ໃນວັນທີ 3 ທັນວານີ້ວ່າ ເກີດເຫດຄົນຮ້າຍ ປະມານ 1 ເຖິງ 3 ຄົນ ໃຊ້ອາວຸດປືນກວາດຍິງ ໃກ້ກັບສຳນັກງານບໍລິການສັງຄົມ ຂອງລັດກາລີຟໍເນຍ ຫລ້າສຸດມີລາຍງານຜູ້ເສຍຊີວິດແລ້ວ ຢ່າງໜ້ອຍ 14 ຄົນ ແລະ ບາດເຈັບອີກປະມານ 20 ຄົນ ເຈົ້າໜ້າທີ່ໄດ້ເລັ່ງ ນຳສົ່ງຄົນເຈັບໄປໂຮງໝໍ ແລະ ຕຳຫລວດກຳລັງເລັ່ງຕິດຕາມ ໄລ່ຈັບຄົນຮ້າຍຜູ້ກໍ່ເຫດ ທີ່ກຳລັງເອົາຕົວຫລົບໜີຢູ່ ແລະ ເບື້ອງຕົ້ນ ຕຳຫລວດໄດ້ສັ່ງອົບພະຍົບປະຊາຊົນ ຈຳນວນຫລາຍຮ້ອຍຄົນ ອອກຈາກພາຍໃນອາຄານທີ່ເກີດເຫດແລ້ວ.
ດ້ານ ປະທານາທິບໍດີ ບາຣັກ ໂອບາມາ ໄດ້ອອກມາໃຫ້ສຳພາດວ່າ: ເຫດການດັ່ງກ່າວ ແມ່ນຍັງບໍ່ທັນສະຫລຸບ ວ່າເປັນການກໍ່ການຮ້າຍ ຫລື ບໍ່ ເນື່ອງຈາກປະເທດ ສະຫະລັດອາເມຣິກາ ເປັນປະເທດທີ່ມີເຫດການ ຄວາມຮຸນແຮງຈາກອາວຸດປືນ ຢ່າງຕໍ່ເນື່ອງ ແບບບໍ່ຄືບ່ອນອື່ນໆໃນໂລກ ຊຶ່ງຈຳເປັນຈະຕ້ອງມີການ ປັບປຸງມາດຕະການ ການນຳໃຊ້ອາວຸດປືນຄືນໃໝ່.
ທັງນີ້ ສະຫະລັດອາເມຣິກາ ເປັນປະເທດທີ່ບາງລັດ ອະນຸຍາດໃຫ້ພົນລະເມືອງ ສາມາດພົກພາອາວຸດປືນໄດ້ ຕາມເງື່ອນໄຂ ແລະ ລະບຽບການທີ່ກົດໝາຍກຳນົດ.
Lao Kip Calculator
